Henta full mann på samfunnshus
Politiet si natt: Alarm hos bedrift, lys i Oselvo og festdeltakar som trengte assistanse.
Natt til laurdag sendte politiet to menn i marsj etter innbrot hos Bir i Kolskogen.
Laurdag kveld rykte politiet ut på ein annan alarm hos ei bedrift nord for Os sentrum.
– Vi fann ingen teikn til innbrot. Det er òg uklart om detvar brann- eller innbrotsalarm. Vektarselskap overtok oppdraget, opplyser vakthavande ved Bjørnafjorden politistasjon.
I 02.20-tida natt til søndag var politiet utom ein fest på eit samfunnshus på Nore Neset.
– Ein full mann i 40-åra blei tatt hand om og køyrd heim av patruljen.
Seinare på natta, i 04.40-tida, fekk politiet melding frå ein person som var uroa for nokre lys i Oselvo nær gamlebrua mellom Landboden og Borgavegen/Finnebrekka.
– Fleire patruljar blei sendt til staden, då meldar ikkje kunne seia sikkert kvar lysa kom frå.
Det viste seg å vera lys som er monterte i elva, truleg dei same som står i tilknyting til undervannskameraet som overvaker lakseoppgangen.
