Trøbbel og sladding på den første snøen
Den eine bilen sto fast, den andre var «lett og ledig».
Fredag kveld kom sesongens første kvite dekke over låglandet i Os, same kveld fekk politiet melding om ein bilist med vanskar.
– Ein bil sto fast i Finnabrotet, truleg grunna snøen. Den sto ikkje til hinder for annan trafikk, men bileigar blei orientert om sitt ansvar for å få fjerna køyretøyet, opplyser vakthavande politibetjent.
I 01.50-tida i natt observerte politiet ein bilist som sladda på ein parkeringsplass nord for Os sentrum.
Ingen andre bilar eller personar var i nærleiken. Førar, ein mann i 20-åra, slapp unna med ei klar åtvaring.
Klokka 03.25 i natt blei ein bilist i 40-åra stoppa. Det er mistanke om at vedkomande, som er utanlandsk, ikkje har gyldig førarkort. Politiet har oppretta sak.
