Fekk melding om pipebrann to stadar
Den eine staden var det vind som var problemet.
Bjørnafjorden brann og redning har etter lunsj i dag vore ute på to meldingar om mogleg pipebrann, først i Kolabakkane, så i Tøsdalsvegen.
– I Kolabakkane var det ikkje pipebrann, med eit røyknedslag, seier varabrannsjef Erik Walden.
– Vindforholda var sånn at røyken blei pressa ned pipa og ut i rommet, forklarer han.
Det er meldt frisk bris og mykje nedbør dei neste timane:
Brannvesenet hjelpte til med ventilasjon og utlufting.
I Tøsdalsvegen var det pipebrann, men ukomplisert å sløkka og utan spreeing til bygningsmasse.
Huseigar må, rutinemessig, venta med å fyra til feiarar har sjekka pipa for skadar. Det skjer først når pipa er klar, altså i morgon.
– Det er ikkje kjekt å ikkje kunna fyra i omnen i desse dagar, men vedkomande må venta til vi ser at det er trygt, seier Walden.
