– Vi viste breidde
VIDEO: Handballdamene til Os hadde ti målskårarar, halvparten sette inn fire mål eller meir, då dei slo Stord med 13 mål i dagens NM-kamp.
Bildeserie:
Os fyrte av ei aldri så lita cupbombe då dei slo 1. divisjonsklubben Fana i første NM-runde.
Nå møter dei Sola, som rykte ned til 1. divisjon i vår, etter braksiger over Stord, som Os speler serie mot, søndag.
SJÅ VIDEO NEDST I ARTIKKELEN
– Vi mangla ein del spelarar i dag, i tillegg var Os gode. Neste match blir jamnare, lover Stord-trenar Jonas Schølin etter kampen.
Os plar slita mot Stord i serien, men vann 19-12 (40 minutt) i opningskampen og tok ein suveren siger i dag.
– Vi stiller med ein stor stall og viser i dag at vi har god breidde, seier Os-trenar Erlend Lyssand nøgd.
Os-Stord 33-20 (15-9)
Os sitt lag: Vibeke Ingebrigtsen, Hanne Sørstrønen, Irene Tangerås (4), Madeleine Hjertnes (4), Emilie Hjertnes (4), Maria Stangeland Lunde (6), Marte Øvreeide (2), Line Hjelle (5), Silja Espelid, Elise Hjelle (2), Vilde Fyllingen, Vilde Brattabø (3), Hilde Kristine Røttingen (2), Silje Martine Aarseth (1)
Utvisingar: Os ingen, Stord 1x2 min
– Det var ein perdiode i første omgang der vi slurva litt og ikkje fekk kontra då vi hadde sjanse til det. Då vi fekk frimerke på Irene og Vilde i 2. omgang brukte vi også litt tid på å løysa det.
Les òg: NM: Os herja med Stord
– Men elles synest eg vi gjorde ein solid jobb i dag med 14 jenter som viste 100 prosent innsats. Alle som fekk sjansen brukte den godt, vi kunne rullera mykje, halda tempoet oppe og vera farleg frå start til slutt, seier Lyssand.
3. runde i NM går i Oshallen mot Sola ein gong før 25. september. Serien startar med bortekamp mot Sotra søndag 15. september.
VIDEO: Sjå starten og slutten på begge omgangane. (Foto: KVB)