NM: Os herja med Stord
Os imponerte då dei slo Fana i første runde. I dag leika dei seg til 3. runde - der det no er klart at dei tar imot Sola i Oshallen.
Søndag tok handballdamene til Os imot Stord frå same divisjon til 2. runde i NM.
Os tok leiinga 1-0, 2-1 og 6-2. Ein kort periode etter nokre mislykka kontringsforsøk var gjestane oppe i to mål bak, men frå 9-7 gjekk det berre Os sin veg.
Os - Stord 33-20 (15-9)
Heimelaget skåra dei første måla i andre omgang og heldt Stord 6-8 mål bak.
Stord sette frimerke på to Os-spelarar, noko som i starten reduserte skåringsfrekvensen til Os.
Men bak var det tetta nærmast heilt igjen, forsvaret fungerte og Vibeke Ingebrigtsen sto svært stødig.
Så byrja det å renna inn mål, frå 18-12 til 27-15 og 31-17.
Framfor eit stort og godt publikum kunne Os, som hadde brukt fleire unge spelarar, også i mål, gå av banen med ein solid 13-målssiger.
Sola, som rykte ned frå toppserien i vår, blir motstandar i 3. runde. Kampen går i Oshallen ein gong før 25. september.
Serien startar for Os sin del med bortekamp mot Sotra søndag 15. september.
Midtsiden kjem tilbake med kampfakta, kommentarar, bildeserie og video frå kampen.