Vêret i Os | 21. okt. 2024
Veg var stengt grunna velta tre
Mannskap blei sendt til Hegglandsdalsvegen og Hatvikvegen måndag morgon.
Kjetil Vasby Bruarøymåndag 21. okt. 2024 10:57
Vindstyrken har vore oppe i stiv kuling natt til måndag, og måndag morgon velta eit tre over fv 579 Hegglandsdalsvegen.
Vegtrafikksentralen varsla om stengt veg klokka 08.36.
Vegen opna igjen klokka 10.22.
Måndag morgon har det òg kome melding om buskar og greiner på Hatvikvegen.
Ved Klyva og avkøyrsle til Moldegård heng eit tre i leidningar.
Men det er foreløpig ingen straumbrot i Os, nærmaste trøbbel i BKK sitt nett er 20 abonnentar på Osterøy.
Vindstyrken skal avta noko utover dagen, men halda seg på oppunder frisk bris til og med onsdag.
