Politi | 24. mars 2023
Tredje dag på rad: Tok 10 nye fartssyndarar i 70-sona
UP set teinene sine på same stad som sist.
Kjetil Vasby Bruarøyfredag 24. mars 2023 09:55
Tysdag tok UP 16 fartssyndarar i 70-sona på E39, onsdag stoppa dei 10 nye.
Også torsdag hadde utrykningspolitiet kontroll i 70-sona, og på knappe to timar frå 13.40 til 15.30) blei det tosifra med forelegg (10) denne dagen òg.
Høgaste fart blei målt til 92 km/t, noko som resulterte i 9.100 kroner i forelegg og tre prikkar på førarkortet.
Tidlegare på dagen, frå klokka 07 til 07.45, hadde lokalt politi trafikkontroll på Halhjem ferjekai.
Dei sjekka dokument og promille, og fann ikkje noko å reagera på.
