14 tatt i laserkontroll
Laserkontroll på Halhjemsvegen. Høgast fart blei målt til 87 km/t i 70-sona.
Måndag formiddag hadde Utrykningspolitiet (UP) laserkontroll på Halhjemsvegen.
– Det var laserkontroll, samt kontroll av mobilbruk og bilbelte, opplyser politioverbetjent Anne Lyssand.
14 bilførarar fekk forenkla forelegg for å køyre for fort.
Høgast fart blei målt til 87 km/t i 70-sona. Det fører 6.700 kroner i forelegg og to prikkar på førarkortet.
UP gav også forelegg til ein bilførar for handhalden mobilbruk.
Utan gyldig førarkort
Ein kvinne i 30-åra blei stansa og kontrollert av ein patrulje på Søfteland måndag ettermiddag.
– Kvinnen kunne ikkje vise fram gyldig førarkort, opplyser politiet.
Sak blei oppretta.
Ung Arena
Politipatruljen var innom Ung Arena måndag formiddag.
Ung Arena hadde opent for både vgs- og ungdomsskuleelevar. Det var 15 elevar til stades og god stemning, opplyser Lyssand.
