– Som om ei elv hadde frose i vegen
Ein bil køyrde i fjellveggen på Strønevegen i natt.
Klokka 01.38 natt til søndag fekk politiet melding om bil i fjellveggen på Strønevegen.
Det var to personar i bilen, begge var bevisst og vaken.
– Passasjeren hadde vondt i eit handledd etterpå, fortel politioverbetjent Christine Grindstein.
Bilen var ikkje køyrbar etter uhellet, og måtte hentast av bilbergar.
– Ut frå notatane frå hendinga kan det sjå ut som om uhellet skjedde nær Hovland.
Det eine køyrefeltet var sperra ei stund. Bilførar har forklart at det var svært glatt på staden, som om ei elv hadde rent over vegen og frose.
Midtsiden kjenner til at det ofte er vatn vegbanen etter avkøyrsla mot Kysthospitalet retning Strøno.
Det har også skjedd fleire ulykker på staden, som i starten på mars 2016.
Laurdag morgon frå 08.30 til 09.30 hadde politiet promillekontroll i Hegglandsdalen.
Der blei 48 kontrollerte, politiet fann ikkje noko å reagera på.
På kvelden, i 21.30-tida, stoppa politiet ein bilist på Lepsøy. Bilførar fekk pålegg om å utbetra baklys.
