Tatt med lågpromille på Halhjem

Dei siste vekene har politiet hatt fleire promillekontrollar på Halhjem ferjekai.

Også måndag morgon var dei på plass, også denne dagen var det lite å reagera på.

Kontrollen gav utslag på éin bilførar, ein mann i 50-åra.

– Det er snakk om lågpromille og vi har oppretta sak, men det er ikkje tatt beslag i førarkortet, opplyser politioverbetjent Christine Jansen Grindstein.

Kontrollen varte frå klokka 08.50 til 09.45. 46 trafikantar blei kontrollerte.

Sjølv om Statens vegvesen har fått seg ny kontrollplass i Kolskogen langs ny E39, har dei ikkje gløymt Byvegen eller Hjellemarka.

I går var det kontroll på plassen, og dei fann litt å reagera på.

– Vi hadde fokus på dieselprøvar, teknisk og lys, skriv Birger Lønne i rapporten frå kontrollen.

Det blei skrive ut to bilbeltegebyr og fem køyretøy fekk skriftlege manglar.

Eitt køyretøy hadde feil mengde sitjeplassar i forhold til kva som står i vognkortet.

To køyretøy med hengar fekk begge køyreforbod grunna manglande tryggleikslenke.

Dette blei ordna på staden, og dei fekk køyra vidare.