Skreiv ut fleire gebyr på ny kontrollplass
To av sjåførane blei meldt, fleire andre fekk ulike gebyr.
Måndag 31. oktober opna ny E39, 10. og 12. november hadde Statens vegvesen trafikkontroll på nyevegen.
Vegvesenet står ikkje med refleksvest langs vegskuldra på nyevegen, trafikantane blir vinka til side av skilt i Skogafjellstunnelen retning sør som seier «stopp for kontroll».
Då er det berre for tyngre bilar å svinga avved Svegatjørn og opp tilny kontrollplass langs Ulvenvegen i Kolskogen.
Fleire manglar på same vogntog
Torsdag kveld hadde dei fleste alt i orden, men éin av dei hadde fleire manglar.
Eit vogntog med adr-gods mangla blant anna transportdokument, adr-godkjenning av køyretøy og adr-bevis, skriv vegvesenet i rapporten sin.
Her vil truleg både transportør, avsendar og førar bli meldt.
Seks gebyr
Laurdag på dagtid var det 38 køyretøy over kontrollplass.
Av desse blei det to bruksforbod, seks gebyr og éin sjåfør meldt.
Vedkomande som blei meldt køyrde ein kombinasjon med hengar som krevførarkort klasse BE.
Éin sjåfør fekk 3000 kroner i gebyr for brot på køyre- og kviletidsreglane.
Eitt foretak fekk 6000 kroner i gebyr av same årsak.
To foretak fekk 8000 kroner kvar i gebyr for ikkje å ha registrert autopass-brikke.
