Politi | 05. nov. 2022
Promillekontroll på Halhjem laurdag morgon
– Vi fekk positive tilbakemeldingar.
Kjetil Vasby Bruarøylaurdag 05. nov. 2022 10:53
Laurdag morgon hadde politiet promillekontroll på Halhjem ferjekai.
Dei sto på staden frå klokka 08.45 til 09.45.
I løpet av denne timen blei 69 trafikantar kontrollerte.
– Det var ikkje noko å reagera på, opplyser Vest politidistrikt på Twitter.
Dei fortel også at patruljen fekk mange positive tilbakemeldingar denne morgonen.
Kva bilistane var positive til, kontrollen eller den nyopna E39-traseen, er ikkje spesifisert i rapporten.
