Politi | 19. aug. 2022
Hadde promillekontroll utanfor Vinmonopolet
Men den einaste trafikksyndaren fann dei i Hegglandsdalen.
Kjetil Vasby Bruarøyfredag 19. aug. 2022 08:36
Torsdag hadde politiet promillekontroll i Os sentrum.
Patruljen sto i Hamnvegen, rett utanfor Vinmonopolet og resten av bygget dei sjølv tidlegare hadde kontor i.
Der har dei gjort fangst før, men ikkje i går.
– Det var 19 kontrollerte og ingen utslag, fortel politioverbetjent Anne Lyssand.
I 11-tida hadde dei kontroll i Hegglandsdalsvegen i samband med «Aksjon skuleveg».
Alle 37 kontrollerte var edru, men det blei også målt fart, og der blei det skrive ut tre forelegg.
Høgaste målte fart i 50-sona var 65 km/t, noko som fører til 4.150 kroner i forelegg og to prikkar på førarkortet.
I dag er politiet på aksjon skuleveg ved Søfteland barneskule.
