Suveren haust for Os 2
Skårer i snitt 36,3 mål per kamp.
Mens førstelaget til Os har hatt ein tøff innspurt mot jul i 3. divisjon, hatt sjukdom i troppen og stilt med tynn stall i dei siste kampane, har Os 2 fossa vidare etter den gode starten i 6. divisjon.
Os 2 har vunne 6 av 6 kampar i 6. divisjon i haust.
Endå meir imponerande er målforskjellen på 218-111, altså eit snitt på 36,3 mål per kamp.
Den største sigeren drar opp snittet godt.
Heime mot Osterøy skåra Os 2 over tre gongar så mykje som gjestane, og vann 46-15. Til pause sto det 21-7.
Her er resultata frå kampane i haust:
Sotra 3 - Os 2 20-39
Os 2 - Fyllingen 4 36-16
Os 2 - Osterøy 46-15
Kalandseid - Os 2 22-34
Odda - Os 2 20-30
Osterøy - Os 2 18-33
Neste kamp går heime mot botnlaget Eidsvåg 15. januar.
Førstelaget har heimekamp same dag.
Sitjande utfordring
Helga etter skal Os 2 i Haukelandshallen og spela i rullestol mot Årstad 4.
Det kan bli ein tøffare kamp, i ein situasjon Os-spelarane ikkje er vant med.
Årstad sitt rullestollag har spelt to kampar til no, og vunne begge.
- Tabell og terminliste på handball.no
