Skreiv ut to gebyr i Kolskogen

Politiet har lite å fortelja frå loggen etter laurdag og natt til søndag, men opplyser at brannvesenet hadde to utrykkingar.

– Dei var ute på ein pipebrann i Hagavik på kvelden og ei utrykking til Søfteland grunna røykutvikling i 20-tida, opplyser politiet.

110-sentralen har ikkje delt yttarlegare informasjon om brannutrykkingane på Twitter.

Vegvesenet hadde kontroll på E39 i går, fann litt å reagera på hos dei som var oppom kontrollplassen i Kolskogen.

Ein sjåfør og eitt foretak fekk kvar sine gebyr på 1000 kroner for brot på køyre- og kviletidreglane.

Det blei gitt til saman sju åtvaringar for brot på same reglement.

Eitt køyretøy fekk bruksforbod grunna manglande merking av last, fire andre fekk mangelseddel grunna blant anna dekk, lys og feil med aksling.