Første dag med nye satsar: UP tok 14 i Kolskogen
Éin av dei fekk 14.500 kroner i forelegg i 80-sona på ny E39.
Onsdag morgon, rundt klokka 09, utførte utrykningspolitiet ein trafikkontroll i 80-sona i Kolskogen.
– Kontrollen resulterte i 14 forenkla forelegg, opplyser politioverbetjent Anne Lyssand.
Høgast fart som blei målt var 113 km/t.
Dette utgjer eit forelegg er på 14.500 kroner. I tillegg høyrer det med tre prikkar på førarkortet.
Hadde vedkomande blitt målt til same fart dagen før ville det «berre» ha kosta 11.150 kroner.
Satsane auka nemleg frå 1. februar.
Sjå «prisane» før og no:
Feil på køyrelys
Onsdag kveld, rundt klokka 20.25 blei ein varebil stansa og kontrollert.
Varebilen var på veg mot Skogafjelltunellen retning Os fra Endelausmarka.
– Føraren blei kontrollert i Ulvenvegen, og fekk eit forenkla forelegg for feil på køyrelys.
Førar blåste til 0,0 og fremstod edru.
Promillekontroll og tyveri
Klokka 08.31 onsdag morgon hadde utrykningspolitiet ein promillekontroll på Halhjem ferjekai.
– Patruljen kontrollerte 23 personer under promillekontrollen. Det var inge utslag på testane, opplyser politioverbetjent.
Klokka 11.51 mottok politiet ei melding om tyveri i Byvegen.
– Nokon har stjelt ein nøkkelboks frå ein bedrift i Byvegen. Bedriften har blitt bedt om å melde hendinga.
