Tipsar om båt under vatn

Laurdag har vi fått tips om ein båt som ligg under vatn.

Båten ligg på svai i Vargavågen.

Brannvesenet kjente ikkje til båten då Midtsiden tok kontakt.

– Ut frå kva du fortel høyres det ikkje ut som eit oppdrag for oss, seier vakthavande ved Bjørnafjorden brann og redning, branningeniør Martin Østgulen Svendsen.

– Faren for betydeleg forureining er liten i ein open båt som kanskje har påhengs og ein 30-literstank, og det vil vera lite vi kan gjera til eller frå når han allereie har gått ned.

Brannvesenet oppmodar eigar å få båten opp.