Utrykningspolitiet hadde to fartskontrollar i Os i går, begge i 70-sone på E39 Halhjemsvegen.
I 10.30-tida rapporterte dei inn heile 35 forenkla forelegg.
– Høgaste målte fart var 110 km/t, opplyser politioverbetjent Christine Grindstein.
Det betyr førarkortbeslag, i 70-sona ryker lappen på 106 km/t.
Med mange syndarar før lunsj, tok UP turen ut på post i 70-sona igjen etter lunsj.
Klokka 13.40 rapporterte dei inn fire forelegg til.
I andre akt var høgaste fart 81 km/t, altså 11 km/t over grensa og 4.800 kroner i forelegg.
Totalt blei det 39 forelegg på E39. UP kan trøysta seg med at det ikkje var 70 syndarar i 70-sona.
