Sette 22 banerekordar på Kuventræ
Oslekene blei eit rekordstemne med 152 deltakarar frå 19 klubbar - tett med nye rekordar og enkelte tider som er årsbeste i Noreg.
Bildeserie:
Os Turnforening si friidrettsgruppe har ikkje berre vakse som arrangør ute i felten, med Ulvenvatnet Rundt og Osløpet, dei held fram med større arrangement i Os Idrettspark på Kuventræ.
– Vi hadde det fine opningsstemnet i 2015, følgde opp med eit stemne litt seint i 2016, som fekk namnet «Høststormen», og har i år døypt dette om til Oslekene, seier Bjørn Michelsen frå Os TF friidrett.
Friidrettsgruppa, som i januar i år blei kåra til årets satsingsklubb, opplevde stor interesse for Oslekene, som blei arrangert i helga som var.
Fire klubbar i Os (Os, Lysekloster, Søfteland og Nore Neset) var blant dei 19 klubbane som stilte. I tillegg til klubbar i bergensområdet kom Voss, Fitjar og Strandebarm, og Jotun frå nabofylket i nord.
– Anlegget er framleis ikkje heilt perfekt, det er eitt og anna å utbetra, men vi fekk veldig gode tilbakemeldingar frå deltakarane! Som arrangør har vi òg blitt betre, og vi har fått meir og betre utstyr, som gjer at det blir meir straumlinjeforma.
Gode prestasjonar - òg lokalt
Det var 152 ulike deltakarar og 414 startar på stemnet. Utøvarane sette til saman 22 individuelle banerekordar og endå fleire personlege bestenoteringar.
– Vi er glad for det fine vêret vi fekk. Men det var litt vind om søndagen, så der var det i tillegg nokre gode resultat som ikkje blei godkjent som rekord, fortel Michelsen.
Midtsiden fekk ein prat med nokre av utøvarane frå arrangørklubben etter stemnet.
– Det er veldig gøy å få besøk av så mange tilreisande konkurrentar. Vi treff jo mange av dei når vi sjølv er ute og reiser, og det er av og til litt spennande å sjå kven som møter opp, kor god konkurranse du får på dei ulike øvingane, seier Sofie Olsvold Hausberg (J17).
Sjølv vann ho lengde (4,94 m) og høgde (1,40 m) og kom på 2. plass i tresteg (10,96 m).
Michelle Askvik Gassmann (J17) vann 200 m og 800 m med tidene 27,76 og 2.34,50.
Mens Os hadde 46 deltakarar var Lysekloster nest største lokale klubb med 27.
Lysekloster il fortel på sine heimesider om fleire personlege rekordar og flinke debutantar heilt ned i 8-årsalderen.
I klassen gutar 10 år markerte Louis Botnevik Eickhoff seg og vann både 60 meter, lengde, liten ball og kule. I tillegg gjekk han opp ein klasse for å debutera i hekkeløp, der han fekk 2. plass.
Frå Søfteland var 12-åringane Nora Wiik Søreide og Sebastian Plätzer blant dei som skilde seg ut med fleire gode resultat.
Under følgjer nokre av dei beste resultata av lokale utøvarar:
• Her kan du sjå komplett resultatliste
G10 60 meter
1. Louis Botnevik Eickhoff Lysekloster 9,82
G10 Lengde
1. Louis Botnevik Eickhoff Lysekloster 3,39
G10 liten ball (150 g)
1. Louis Botnevik Eickhoff Lysekloster 33,65
G10 Kule (2,0 kg)
1. 148 Louis Botnevik Eickhoff (07) Lysekloster IL 5,94
2. 149 Magnus Løvaas (07) Lysekloster IL
G10 Spyd
1. 164 Eirik Olsen Klyve (07) Os Turnforening 8,67
G11 60 m hekk
2. 1. Louis Botnevik Eickhoff Lysekloster 11,66
G12 60 m
1. Sebastian Plätzer (05) Søfteland TIL 9,53
G12 200 m
3. Sebastian Plätzer (05) Søfteland TIL 31,44
G12 Høyde
1. Martin Hjertaker (05) Os Turnforening 1,35
G12 60 m hekk
2. Martin Hjertaker (05) Os Turnforening 13,48
G12 Spyd
1. Martin Hjertaker (05) Os Turnforening 19,74
G12 Kule
1. Adrian Skau (05) Søfteland TIL 7,58
2. Martin Hjertaker (05) Os Turnforening 1,35
G13 600 m
1. Kristian Brandseth (04) Os Turnforening 1.43.9
G14 høyde
1. Isak Skåtøy (03) Os Turnforening 1.35
G18/19 100 m
1. 167 Fredrik Haustein (99) Os Turnforening 12.31
G18/19 Spyd (800 g)
1. Sondre Herrevold (98) Os Turnforening 50,80 m
J10 60 m
2. 146 Izabell Eriksen (07) Lysekloster IL 10.03 (tok også 3. plass lengde, 3,21)
J10 liten ball
1. 147 Jennie Irene Bos (07) Lysekloster IL 24,79
J10 Spyd
1. Jennie Irene Bos (07) Lysekloster IL 12,50
J12 60 m
2. Nora Wiik Søreide (05) Søfteland TIL 9,74
J12 600 m
1. Nora Wiik Søreide (05) Søfteland TIL 1.56,80 (tok også 2. plass i lengde 3,58)
J13 600 m
2. 188 Tuva Olsen Klyve (04) Os Turnforening 2.02.80
J13 Spyd (400 g)
1. Thea Olsvold Hausberg (04) Os Turnforening 20.73
J15 Malin Dale Os Turnforening, 2. plass i både 100 m og lengde, 1. plass i tresteg 9,43
J17 800 m
1. Michelle Askvik Gassmann (00) Os Turnforening 2.34.50
J17 200 m
1. Michelle Askvik Gassmann (00) Os Turnforening 27,76
J17 lengde
1. Sofie Olsvold Hausberg (00) Os Turnforening 4,94
J17 høyde
1. Sofie Olsvold Hausberg (00) Os Turnforening 1,40 og 2. plass i tresteg, 10,96