Det einaste notatet politiet i Os har frå torsdagen, er frå Statens vegvesen.
– Dei taua i går vekk eit køyetøy frå Halhjem ferjekai, fortel politiførstebetjent Morten Haugland.
Bilen har stått parkert over ein lengre periode, og er utan skilt.
Dermed har det blitt éin ekstra parkeringsplass til neste helg. Då går Tysnesfest av stabelen, og kampen om parkeringsplassane på Halhjem er venta å ta seg opp.
Statens vegvesen har òg hatt kontroll ved Svegatjørn denne veka. Onsdag fann dei ulike ting å reagera på.
Her er resultatet etter dagens trafikkontroll på Svegatjørn kontrollplass i Os.
– 4 sjåførar fekk til saman 7 åtvaringar for brot på køyre- og kviletidsreglane.
– Éin fekk 1000 kroner i gebyr, og føretaket fekk 2000 kroner i gebyr, for brot på køyre- og kviletidsreglane, opplyser Roald Berentsen.
Elles ramsar Berentsen opp:
- To sjåførar måtte sikra lasta betre før videre kjøring.
- 1 tilhengar hadde skadd/defekt hjullager og fikk ikkje køyra videre med dette.
- 4 køyretøy fekk teknisk mangel for feil med lys.
- 1 køyretøy fekk teknisk mangel då det var montert solfilm på sideruter fremfor B-stolpen.
- 1 køyretøy fekk teknisk mangel då det var luftlekkasje fra trykkluftanlegget.
- 1 køyretøy fekk teknisk mangel for skade på hjulskjerm, lause boltar mellom hovudramme og hjelperamme og skade på felgbeskyttelse.
- To bussar fekk teknisk mangel da brannslokningsapparat ikke var godkjent innen tidsfristen.
- Ein sjåfør måtte fjerna sikthindrande gjenstandar i siktsonen.
- 1 kjøretøy fekk ikkje køyra videre før mangel med transportdokumenter var retta opp i. Her blir det òg sendt ein rapport til samferdselskontoret.