Politi | 15. okt. 2021
Fleire parkeringsbøter på Halhjem
I tillegg fortel politiet om påkøyrd hjort og avskilta bil i løpet av gårsdagen.
Kjetil Vasby Bruarøyfredag 15. okt. 2021 09:52
Politiet var i 05-tida i natt utom Halhjem ferjekai og sjekka parkeringsplassane, og fann enkelte å reagera på.
– I alt blei det skrive ut fire gebyr. Dei skal ha stått parkert på fortau, fortel politioverbetjent Anne Lyssand.
Etter at prisane auka, men passasjerar fekk reisa gratis, har det i periodar vore trangt om plassen på Halhjem.
Patruljen var òg på Søfteland og avskilta ein bil i Storestraumen. Årsak var at denne var ilagt bruksforbod.
– I løpet av gårsdagen blei det funne ein død hjort ved Langavatnet på Drange. Dette blei varsla klokka 15.59. Viltkontakt blei varsla.
