«Røyk vil forekomme»

Ein hobbyfiskar fekk tidlegare i kveld noko som liknar på bakoversveis då han kasta blikket i retning Vinnes.

Kraftig røyk sto opp frå eit nabolag.

Dette var i 19.15-tida. Ein time seinare fekk vi melding fra fastlandet på Berge. Også vedkomande lurte på om det var noko dramatisk på gang.

Men 110-sentralen varsla før klokka 18 i kveld at dei skulle ha øving i Vinnesvegen. «Røyk vil forekome» skriv dei på Twitter.

Dette gir truleg ei god gjennomkøyring for mannskapen før offisiell opning av brannstasjonen i Eikelandsosen måndag.

Har du utsikt mot Heningen på Tysnes så er det også øving der.