Lokal | 02. mars 2019
Lovleg rocke-bål på Ulven
Vanlegvis er det forbode å brenna bål etter at det har blitt mørkt.
Kjetil Vasby Bruarøylaurdag 02. mars 2019 20:10
Laurdag kveld har det vore høge flammar frå eit bål på Ulvensletta.
Midtsiden har fått tips om både mogleg brann og noko som liknar på filminnspeling.
– Vi kjenner til bålet. Det er filminnspeling, og dei har søkt og fått godkjent bålbrenninga, seier varabrannsjef Arne Monsen til Midtsiden.
Frå avstand var lyden frå trommespeling lett å høyra, og det skal vera innspeling av musikkvideo som har pågått.
Førebuingane og innspelinga har pågått store delar av laurdagen, men skal i 20-tida vera avslutta.