Røde Kors-båten er døypt

Torsdag 30. juni kom den nye Røde Kors-båten til Hordaland.

Fem dagar seinare var vi om bord.

Les ògOm bord i den nye Røde Kors-båten

Laurdag var det dåp på Møhlenpris ved BI-stranda. Der var blant anna representantar frå politi, brannvesen, ambulansen og Kystvakten gjestar.

Benedikte Osaland Toftesund, banksjef i Sparebanken Vest på Os, var gudmor.

– Vi er glad ho takka ja, seier Kristian Strønen, som har vore Os Røde Kors sin mann i prosjektet.

Bildeserie:

Full skjerm

1 av 3

Sparebanken Vest er frå før største sponsor på ny båt. I tillegg hadde Toftesund med seg 400.000 kroner i gåve til gudbarnet sitt.

Namnet blei, som tidlegare gjort kjent, «Bjørgvin».

Gamal båt vs ny båt:

• Førre båt var 37 fot, denne er 48 fot
• «Bjørgvin» er nesten to meter breiare
• «Bjørgvin» går om lag like fort, rundt 40 knop. Men denne toler meir sjø, og kan derfor halda høgare fart i vanskelege forhold
• Førre båt hadde scoop-brett, men lite plass til liggande pasientar, denne har eigen plass til båre
• To varslingssystem om bord. Blir, når kopla på oppdrag for AMK eller Hovedredningssentralen, kopla opp på same monitor som dei bruker.
• «Bjørgvin» har både fastmontert sløkkeutstyr (førre båt sitt utstyr måtte haldast/styrast med hand), hjartestartar og utstyr til å måla O2-metning, blodsukker og blodtrykk
• Eige termisk kamera/nattkikkert som fast utstyr
• «Bjørgvin» er, i motsetnad til førre båt, godkjent som slepebåt. Vinsjen og akterdekk toler 8 tonn.
• Båten er tilpassa å ta med rednings-vassjet