«Det gode liv for alle» er vel ein visjon som ikkje let seg oppfylla, men «det gode liv for flest mogleg» er meir realistisk.
Eit reint «høgre»- (FrP/H) eller eit reint «venstre»-fleirtal gjer nok kommunen enklare å styra for ein ordførar og ein kommuneadministrasjon, men eit stort mindretal vil sjeldan og aldri vinna fram med sine syn.
Lokaldemokratiet vert best teke i vare gjennom eit sterkt og politisk pragmatisk sentrum!
Dette er mi klåre røynsle som lokal ombodsmann dei siste 8 åra (4 år med FrP/H og dei siste 4 åra med ein «fleirpartiallianse»).
Sentrumsparti og fløy-uavhengige parti sikrar at flest mogleg av veljarane i kommunen vinn fram med sine syn og meininger.
Ein verkeleg "JA-KOMMUNE" seier til dømes ja til innbyggjarane sine framfor utanbygds eigedomsspekulantar.
Eg er viss på at veljarane i Bjørnafjorden ser forbi glansa valbrosjyre og fagre val-løfte og stemmer på eit pragmatisk parti som kan og vil samarbeida til det beste for flest mogleg av innbygjarane i Bjørnafjorden.
Bjørnafjorden Senterparti er eit slikt parti!
Godt val!
Beste helsing «nr. 37»
Harald Lekven