No kom «pinsevêret»!

Etter ein grå og våt pinse har det denne veka sett lysare ut.

Nedbøren skapte ein fin start på fiskesesongen i Oselvo, og no skin sola også for oss utan makk og stang.

Les ògStor elv og fin fangst på opningsnatta i Oselvo

Det er meldt opphaldsvêr gjennom helga og så langt varselet rekk, altså ut neste veke.

Laurdag er det venta overskya eller lettskya tidleg på dagen, men skyfritt frå 16-tida av.

Temperaturen skal halda seg på 15-16 gradar, men Yr og Storm er usamde om søndagen.

Yr melder nemleg 20 gradar søndag, Storm melder 13.

Begge melder noko skya midt på dagen, men skyfri formiddag og kveld søndag.

• Sjå detaljert vêrmelding for Osøyro på VG Pent.

Vidare er det meldt overskya måndag, lettskya tysdag og meir eller mindre skyfritt frå onsdag.

Temperaturen skal auka frå 14-15 til rundt 17 gradar utover i veka.