Kommunen kjem med nye anbefalingar
Ønskjer munnbind på buss og andre stadar der folk står tett.
Bergen kommune har innført nye lokale tiltak på grunn av smittesituasjonen i kommunen, men dette påverkar i første omgang ikkje reglane i Bjørnadfjorden eller andre nabokommunar.
Kommunen har denne veka drop-in-vaksinasjon for alle fødd i 2003 eller tidlegare.
Bjørnafjorden kommune kjem i dag også med nye anbefalingar:
- Munnbind på kollektivtransport
- Munnbind der du ikkje kan halda ein meter avstand
- Serveringsstadar bør registrera alle gjestar
– Vi ser at mange av dei andre nabokommunane til Bergen òg har ei urovekkande utvikling i smittetala etter ein roleg sommar. Mange av oss har seinka skuldrene i ferien, og kanskje tatt litt lett på smittevernet. No når vi skal tilbake til kvardagen, er det difor ekstra viktig at vi òg går tilbake til dei gode vanane og rutinane som held oss friske, seier ordførar Trine Lindborg i ei pressemelding.
Ho håper smittetala held seg låge i kommunen også når skulane er i gang igjen.
Kommunen vedtok før sommaren grønt nivå på barnehagane, SFO og skulane i Bjørnafjorden kommune frå 1. august.
Regjeringa kom dessutan med nye karantenereglar, som gjeld frå 16. august, og seier at born og unge under 18 år ikkje lenger skal gå heile klassar i karantene sjølv om nokon i klassen er smitta.
over til grønt smittevernnivå, i tråd med KKL (kommunal kriseleiing) sitt vedtak før sommarferien.
– Samstundes er det viktig å hugse på at vi framleis er i ein pandemi. Sjuke barn og vaksne skal halda seg heime, og vi skal framleis vera nøye med hand- og hostehygiene, seier ordførar.
