Fryktar smitteauke - oppmodar fleire å ta vaksine

Bjørnafjorden kommune hadde fem nye smittetilfelle frå torsdag til søndag.

– Halvparten av dei åtte siste er frå andre kommunar, men testa og smittespora her, fortel kommuneoverlege Klaus Melf.

– Tre av dei er smitta av same person, i ein nabokommune, og er på hyttetur i Os. No er dei i isolasjon på hytta.

Tilsvarande reknar han med at fleire på ferie og har fått påvist smitte mens dei er på reise ut av bygda.

Med auka smitte i Bergen og fleire andre kommunar på Vestlandet, reknar han med auka smitte også i Bjørnafjorden dei komande vekene.

– Vi vil oppmoda folk å vera flinke med smittevernet. Framleis er nesten 50 prosent i aldersgruppa 25-39 år og 25 prosent i aldersgruppene 18-24 år og 40-44 år uvaksinerte.

Dessutan hadde dei fleste eller alle smittetilfella i juli fått minst éin dose med vaksine.

– Delta-varianten smittar lettare. Vaksinen gir god beskyttelse mot smitte, og heldigvis endå betre beskyttelse mot sjukdom. Dei som blir smitta får eit mildare sjukdomsforløp.

I førre veke kom det dobbelt så ange dosar som venta, og kommunen sette for første gong ei større mengde dosar på kjøl.

Også inneverande veke ligg kommunen an til å ikkje bruka opp alt.

– Vi har 300 ledige timar, og håper fleire bestiller tid.

I neste veke kjem det halvparten så mange dosar som venta, 1.100 i staden for 2.200.

Men kommunen får likevel ikkje bruk for alt, for det er også ledig kapasitet denne veka.