– Kolleksjonane har treft godt
B-Young er butikken med størst vekst på AMFI Os i fjor. Her er topp 10-lista.
Butikkane på AMFI Os hadde samla sett ein vekst på 3 prosent i 2014 samanlikna med 2013. Om vi berre ser på samanliknbare butikkar er veksten på 5 prosent.
32 av butikkane auka omsetnaden sin, færre enn 10 opplevde nedgang.
Den som vaks mest er damemotebutikken B-Young, som auka med heile 30,82 prosent.
Sjå topp 10-lista nedst i artikkelen.
Utan tryllestav
– Det har ikkje vore noko hokus-pokus, vi har berre auka jamt, seier medeigar Aina Skaar.
– Hovudårsaka kan vi kanskje takka kjeden for. Dei har treft godt med kolleksjonane.
I fjor var butikken på 4. plass på vekst-lista.
Takkar senterleiinga
Skaar eig butikken saman med Marianne Hjelle Havsgård og Marianne Gjerde.
Dei tre eig også Kitch'n, som i haust utvida i same senter, og nystarta B-Young på Nesttunsenteret.
Aina takkar også senterleiinga for den gode trenden.
– Vår målgruppe er gjerne frå 25 år og opp, med flest kundar frå 40 år og opp i alder. I nabobutikken Zeller har dei meir for dei yngre.
– Eg synest butikksamansetjinga på senteret er veldig god, det same er stemninga og atmosfæren. Det er vi mange som har glede av, meiner ho.
Topp 10 - vekstomsetnad på AMFI i 2014
(Plassering/prosentvekst i 2013 i parantes)
1. B-Young 30,8 % (4. plass/12,3 % )
2. Hurtigruta Carglass 17,1 %
3. Apotek1 14,3 % (7, plass/7,9 %)
4. Europris 14,1 %
5. Brilleland 11 % (6. plass/8,8 %)
6. COOP Extra 8,8 % (3. plass/12,8 %)
6. Parfymeriet 8,8 %
8. Lysthuset 7,4 %
9. Tropehagen Zoo 7,1 %
10. Kapp Ahl 6,8 %
Her kan du sjå topp 10-lista frå 2013 , der Kid og Tilbords tok dei to øvste plassane.