Politi | 23. feb. 2022
Kasta bilen i grøfta for å unngå frontkollisjon
Møtande lastebil køyrde vidare.
Kjetil Vasby Bruarøyonsdag 23. feb. 2022 09:27
Tysdag ettermiddag, i 17.30-tida, køyrde ein bil i grøfta på Lyseklostervegen.
– Bilførar forklarte at han køyrde i låg fart, rundt 40 km/t, men svingte i grøfta for å unngå frontkollisjon med ein lastebil, fortel politioverbetjent Anne Lyssand.
Lastebilen køyrde vidare.
– Ingen airbag var utløyst, men personbilen fekk indre materielle skader.
Bilførar tar saka vidare med forsikringsselskapet. Det er ikkje oppretta sak hos politiet.
