Leitte etter sint og rusa mann
Skal ha skrike til folk på Os terminal.
Måndag rundt klokka 08.05 fekk politiet melding om ein sint og rusa mann på Os terminal.
– Det var ein del ungar og andre folk på terminalen, og han skal ha stått og skrike til dei, fortel politioverbetjent Atle Birkeland.
Ein patrulje rykte ut, men dei fann ingen som passa med skildringa av mannen.
Bil i mur
Det har vore ei roleg helg for politiet i Os, som ikkje hadde noko å rapportera frå natt til laurdag eller natt til søndag.
Søndag i 14-tida fekk dei melding om ein bil som hadde køyrd inn i ein mur.
Det viste seg at bilen hadde vore parkert i ein garasje på nabotomta, utan handbrekk, og trilla utan førar og passasjer inn i muren.
– Dette skjedde i eit nabolag sør for Os sentrum, og det blir ikkje oppretta noko sak.