Idolfeber på Os!

Bildeserie:

Full skjerm

1 av 7

Billettane til Idol-familiefesten i Oseana blei delt ut i rådhuset frå klokka 11 laurdag førmiddag.

Enkelte la seg til i køen allereie før midnatt fredag for å sikra seg dei verdifulle gullbillettane, og det gjorde dei klokt i.

Ein halvtime før utdelinga tok til sto køen allereie heilt rundt kvartalet og ut til leikebutikken på motsett side av rådhuset.

– Dette er heilt vilt, slo kultursjef Lisbeth Axelsen fast, få minutt før dørene opna.

– Eg er redd vi kjem til å skuffa enkelte i dag.

– Så bra

Skuffa blei nok dei som ikkje var tidleg nok oppe laurdag morgon og sikra seg billettar, men dei tok det likevel med godt humør.

– Det var synd, men så bra, var det ei som sa då det gjekk opp for ho at det ikkje blei billett på ho.

– Han vinn heile greia

Trua på Eirik Søfteland er det mange osingar som har.

– Han går heile vegen og vinn, slo ein sikker Torodd Rimstad fast, då han som ein av dei heldige hadde sikra seg fire billettar.

– Vi er også vinnarar, var det ei anna som kommenterte på veg ut med gullpapiret i handa.