To hundar som stakk frå Hillerhavn, mellom Strønebrua og Askvik i 02-tida natt til onsdag, er i 22.45-tida onsdag kveld framleis sakna.
– Dei blei observert i Søvikåsen klokka 06.50 i dag tidleg, det er siste observasjon, fortel eigar, Klas Færøvik.
Oppdatert kl 00.40: Hundane er funne. Begge er i fin form. To observasjonar langs E39 i Endelausmarka førte til ny utrykking, men då hadde hundane stukke vestover. Tilfeldig streif gjennom Åsen leia til funn når kryss med Ole Bulls veg.
----------
Ved observasjon kan du kontakta eigar på 99221666.
– Dei er snille, og dei kjem kanskje bort til deg om du roper Ludde eller Nelly. Dei har heldigvis ikkje halsband eller sele på seg, då kunne dei fort ha sett seg fast.
Stor rekkevidde
Færøvik har sjølv vore ute i terrenget og jogga frå klokka 08 til i kveld.
– Eg vil retta ei stor takk til alle som har delt facebookinnlegg og vore ute i terrenget for å leita, engasjementet har vore overveldande!
Men hundane er framleis sakna. Og dei kan ha nådd langt.
Den lengste løpeturen Klas sjølv har hatt dei med på, er på heile 160 kilometer.
– Dei kan vera på Kismul for det eg veit. Dei held seg truleg i terreng, men kryssar gjerne ein veg her og der.
Hoppa ut vindauget etter hjort - truleg skremt av lyn
Det var i 02-tida natt til onsdag at to av hundane tok seg ut eit vindauge og stakk av.
– Det var tydeleg at dei fekk teften av ein hjort, og høyrde trmpinga og knekking av greiner i det hjorten stakk frå hundane, seier Klas.
Dei har stukke av før, men alltid kome samla tilbake.
– No er dei 3,5 år gamle, og vaksne nok til at dette er unormalt.
– Det er nok alle lynnedaslaga som har skremd dei vidare. Eg tviler på at dei har energi til å jaga meir etter hjort. No har dei truleg kome vekk frå sti og virrar rundt i terrenget ein eller annan stad, seier Klas, utmatta etter den lange dagen med leiting.