Homie har vore sakna i to dagar
Den elles så rolege hunden stakk frå toppen av Borgafjellet laurdag kveld. Har du sett han?
Hunden Homie er 7 år. Eigarane har hatt hunden sidan han var kvalp og fortel at han aldri har stukke av før.
– Han er roleg og ikkje ein type hund som oppsøker folk han ikkje kjenner. Han held seg stort sett i beina på deg, fortel Kristian Hellebø.
Det var slektningar som hadde hunden med på tur då han forsvann laurdag i 20.30-tida.
– Dei hadde gått til Borgafjellet frå toppen av Hjelle, og akkurat byrja å gå ned igjen då hunden snudde og gjekk tilbake. Sidan har dei ikkje sett han.
Veit ikkje om han har kome ned frå fjellet
Midtsiden la ut etterlysing på Facebooksida vår på vegne av eigar søndag kveld.
Det var mange folk på tur og motbakkeløp i fjella i Os i finvêret søndag. Fleire har delt og kommentert, men ingen har førebels sagt at dei har sett hunden.
– Det er ein blandingsrase med trekk frå border collie. Han hadde på seg samme selen som på bildet, fortel Hellebø.
– Vi skjøner ikkje kva som har gått av han og veit ikkje om han har kome ned igjen frå fjellet. Men vi blir veldig glade om nokon kjem med tips om dei har sett eller høyrd noko.
Hundeeigar når du på telefon 977 11 321.