Funnen pose levert til Kripos
Politiet har også fått melding om funnen mobiltelefon i Lysefjorden og plagsam ungdom på Ytre Moberg.
Søndag i 14.45-tida fekk politiet melding om funn av mobiltelefon ved Lysekloster kapell.
– Politiet har fått inn telefonen. Ta kontakt og gi ei korrekt skildring av telefonen, så kan du henta den, seier politioverbetjent Anne Lyssand.
Klokka 20.34 søndag kveld fekk politiet klage frå ei privat adresse på Ytre Moberg.
– Huseigar fortalte at han har blitt plaga av ein ungdomsgjeng som kastar stein og snøballar på huset hans.
– Vi ønskjer kontakt med desse ungdomane, seier Lyssand, som også er ansvarleg for forebygging.
Klokka 04.06 natt til måndag blei det funne ein lynlåspose med kvitt pulver på ein bensinstasjon i sentrum.
Posen er henta av politiet og levert til Kripos.
