Stoppa fartssyndar og mann utan førarkort
Éin av dei fekk 6.700 kroner i forelegg.
Onsdag kveld hadde politiet trafikkontroll på Halhjemsvegen retning ferjekaien.
To bilførarar fekk forenkla forelegg for å køyre for fort.
Høgast fart blei målt til 88 km/t i 70-sona. Det fører 6.700 kroner i forelegg og to prikkar på førarkortet.
Promillekontroll
Seinare på kvelden gjennomførte politiet ein trafikkontroll på Søfteland i 60-sona.
– 32 personar blei kontrollert i trafikkontrollen som hadde fokus på promille. Ingen hadde utslag på testen, opplyser politioverbetjent Anne Lyssand.
Under kontrollen blei ein bilførar tatt for å køyra for fort.
– Fart blei målt til 78km/t i 60-sona.
Bilførar fekk forenkla forelegg på 7.800 kroner og tre prikkar på førarkortet.
Køyrde utan gyldig førarkort
Klokka 22.36 onsdag kveld blei ein bil kontrollert i Storestraumen.
Bilføraren, ein mann i 50-åra, blei meldt av politiet for å ha køyrd utan gyldig førarkort.
