Jente trengte hjelp etter folksam ungdomsfest
Stor samling av mindreårige festdeltakarar i Lysefjorden.
Laurdag i 21.30-tida fekk politiet melding frå ein privat fest for ungdom i Lysefjorden.
Mange uinviterte dukka opp. Nokre av dei skal ha laga bråk, og fleire gjenstandar var knust.
Politiet var på staden.
– Foreldre blei varsla, opplyser politioverbetjent Atle Birkeland.
Dei som blei viste vekk frå festen, 40-50 ungdomar, samla seg ein halvtime seinare ved Lysekloster sitt idrettsanlegg.
– Dei fleste var i aldersgruppa 15 til 17 år, fleire av dei kom seg ikkje heim, og foreldre blei varsla igjen.
– Éi mindreårig jente var overstadig berusa og måtte ha hjelp.
Tidlegare på kvelden, i 18.30-tida, hadde UP fartskontroll i ei 70-sone på E39 Halhjemsvegen.
Det blei skrive ut fem forenkla forelegg.
Høgaste fart blei målt til 85 km/t i 70-sona, noko som resulterte i eit forelegg på 4.800 kroner og to prikkar på førarkortet. Vedkomande var 1 km/t frå å få tre prikkar.
