Politi | 20. mai 2021
Full ungdom sovna i Os sentrum
Politiet rykte ut til ungdomsgjeng onsdag i 18.30-tida.
Kjetil Vasby Bruarøytorsdag 20. mai 2021 09:33
Onsdag klokka 18.42 rykte politiet ut til ein ungdomsgjeng som hadde samla seg i Os sentrum.
Ein av dei, ein gut i ungdomsskulealder, hadde sovna.
– Han framsto som svært full, seier politioverbetjent Anne Lyssand.
Dei andre ungdomane, tre gutar og fire jenter, skal ha sett ut som om dei var edru.
– Vi kontakta foreldra til alle åtte, seier Lyssand.
Ho reagerer på den unge alderen, og at dette skjer tidleg på kvelden, midt i veka.
