Måndag klokka 20.23 rykte politiet ut på melding om slåstkamp i Mobergsvikjo.
Det var roleg på staden då patruljen kom fram.
Det er uvisst om nokon er skadd. Det er verken lege eller ambulanse på staden, men klokka 20.45 kom nok ein politipatrulje.
Politiet møtte ein ungdomsgjeng. Det er uvisst om dette er involverte eller vitne.
Då ein annan gjeng gjekk forbi, blei ein av dei forsøkt stoppa, men vedkomande vandra vidare.
Han blei etterkvart innhenta av ein av politibetjentane.
Oppdatert:
– Vi har to mistenkte i saka. Ein tredje fekk pålegg om å fjerna seg frå staden, opplyser politioverbetjent Martin Nordeide tysdag morgon.
Dei involverte er gutar i alderen 15 til 17 år. Han stadfestar at ingen blei alvorleg skadd.
Politiet har oppretta sak.