Politi | 05. apr. 2024
Fleire forelegg på Halhjemsvegen
Ein av dei fekk tre prikkar og saftig forelegg.
Kjetil Vasby Bruarøyfredag 05. apr. 2024 14:18
Torsdag ettermiddag hadde utrykningspolitiet fartskontroll i 70-sona på E39 Halhjemsvegen.
– Det blei skrive ut tre forenkla forelegg, opplyser politioverbetjent Atle Birkeland.
Høgaste målte fart var 93 km/t. Det fører til tre prikkar på førarkortet og 9550 kroner i forelegg, ifølgje satsane, som auka i år igjen.
På formiddagen i går fekk politiet inn melding om ein laus hund i Langedalen.
– Det kom inga fleire meldingar. Vi håper den er funnen av eigar.
Rundt midnatt kom det klage på høg musikk frå ein bustad i Prestegardsskogen.
– Det løyste seg av seg sjølv denne gong, og det var ikkje patrulje ute. Men det har vore eit gjentakande problem, så vedkomande kan venta seg at vi reagerer neste gong.
