Uhell i Mobergsbakken

Onsdag formiddag blei politiet varsla om eit trafikkuhell i Mobergsbakken.

– Ein bil skal ha kome over i motgåande køyrefelt. Møtande bil måtte bremsa hardt, fortel politioverbetjent Atle Birkeland.

Bråbremsen gjorde det vanskeleg for bilen bak, og det blei påkøyrsle bakfrå.

– Dei to bilane fekk skadar, men truleg var det ingen personskade i samband med uhellet.

Det er noko omlegging av veg nedst i Mobergsbakken, i samband med gravearbeid i grøfta opp mot Kolabakkane.

Politiet har ikkje notert om det var her eller lengre oppe i Mobergsbakken uhellet skjedde.