Fekk melding om blodig mann

Søndag i 13.50-tida fekk politiet melding om ein full og blodig mann utanfor ei adresse i Os sentrum.

– Ein patrulje køyrde ut. Det viste seg at vedkomande, ein mann i 30-åra, hadde kutta seg i ein finger, truleg i eit knust glas, opplyser politioverbetjent Anne Lyssand.

– Han fortalte om eit nyleg brot med sambuar, men det var roleg på staden og partane ville ordna opp seg imellom. Den skadde ville òg kontakta legevakt, om han såg behov for det.

Det blei ikkje oppretta sak.