Fann att idylisk vik

Museumsdirektør Berit Høgheim og staben hennar fekk ein litt annerleis vinter enn dei hadde tenkt seg då Lysefjorden fraus til is.

– I nøyaktig to månader frå 7. februar til 9. april var vi utan den vanlege båtforbindelsen til øya.

– Heldigvis fekk vi hjelp frå Drange Båtservice som skyssa oss ut litt lengre sør, fortel Berit Høgheim.

Ho er imponert over korleis brannvesenet responderte då øya blei innefrossen.

– Dei var raskt på pletten med beredskapsplanar og løysingar om uhellet skulle vera ute, og heldt oss heile vegen oppdaterte på planane.

Lukke i ulukka

Sjølv om det blei vanskelegare å koma seg ut til Lysøya på vanleg måte, så kom det noko godt ut av det i følgje Høgheim.

– Vi "fann att" ei litt forsømt perle på øya.

– Einaste plassen å legga til var nemleg i Apalvika, ein plass eg hugsar frå jeg var lita jente og vi var på øyehopping.

– Då vi først la til der var det mykje buskar og kratt som gjorde vika vanskeleg tilgjengeleg og det flaut mykje boss, men dei driftige folka i Lysøens vener er i full sving med å rydda, så no kjem vika fram att i si glans, smiler Høgheim.

Fleire benkar

I august i fjor kom dei fem første steinbenkane på plass rundt på strategiske plassar langs Ole Bull sine stier på øyen.

– Vi har allereie fleire benker i bestilling, godt støtta av gavmilde gjevarar, fortel museumssjefen.

I tillegg til benkane og Apalvika har museet fleire prosjekt på gang.

– Mykje av tida går sjølvsagt med til ordinært vedlikehald, men vi jobbar med å åpne opp fleire områder som har lagt litt i dvale.

– Mellomanna ved Grindverksbygget oppe ved vatnet.

Ny båt høgt på ønskelista

Då Midtsiden vitja øya i fjor sommar fortalte Høgheim at dei hadde starta arbeidet med å sjå på ein ny båt for å frakta gjester og besøkande ut til øya.

– Vi treng så absolutt ein ny båt, og har satt ned ein komite som jobbar med det.

– Men det har vist seg å vera eit tidkrevande arbeid. Vi treng nok eit par millionar til, før vi kan få den på plass, fortel Høgheim.

I mellomtida har "Ole Bull" som går som skyssbåt i dag vore på service og vedlikehald i vinter, og er no sertifisert for ein ny sesong mellom Buena og Lysøen.

Opnar med folketonar

Laurdag 18. mai går første båt med sesongens gjestar til øya.

– Då opnar vi opp og inviterar til konsert med folkemusikar Sigrid Moldestad klokka 16.

– Ho har med seg Roald Kaldestad, Sibgjørn Apeland og Jørgen Sundvik i konserten ho har kalla "Frå Breim til Bull".

– Dagen etter, sundag 19. mai, er det tid for den tradisjonsrike turmarsjen "Lysøen rundt".

– Det er 20. gong vi arrangerar turmarsjen saman med Lysøens vener og Lysefjorden idrettslag, så vi håpar på mykje folk og rekordoppslutning, avsluttar Berit Høgheim med eit smil.