Ei åtvaring til joggarar og syklistar
– Viss ikkje du veit om bommen frå før, kan du lett gå på ein smell.
Ein mosjonist som ofte leggjoggeturen sin rundt Kuventræ, har oppdaga at bommen mellom Industrivegen og Kuventrævegen har blitt meir vanskeleg å sjå.
– No er eg i 50-åra, så det kan jo henda at eg har fått svekka syn. Men eg hadde brillene på, og la merke til at bommen nesten er usynlig, særleg når du kjem retning frå barnehagane i Industrivegen mot Kuventræ, fortel han.
– Eg veit ikkje om det er eit gatelys som manglar lyspære, eller om vegetasjonen i området har endra seg, men eg meiner det no er verre enn før, og at noko bør gjerast.
Bildeserie:
– Mange som ferdast her, er nok kjente i området, men er du ny kan fu fort gå på ein smell.
Han viser også til dødsulykka på Voss i mai, der ein motorsyklist i 60-åra omkom etter å ha køyrd i ein bom.
– Folk kjem nok ikkje i same fart her, men bommen er neppe behageleg å få i magen om du kjem på sykkel eller sparkesykkel heller.
Snarvegen frå Industrivegen til Kuventræ er ikkje open for motorisert ferdsel, men er del av skilta sykkelrute frå Bergen til Haugesund.
– Noko bør nok gjerast i området, for å auka tryggleiken til mjuke trafikantar.
