Dei første tala etter solidaritetskonserten
God inntekt allereie etter 20 minutt.
Torsdag kveld var det solidaritetskonsert for Flyktninghjelpen sitt arbeid internt i Ukraina.
Ei rekkje lokale musikarar stilte på dugnad og gav ei flott musikalsk oppleving.
Arne Mæland heldt ein appell midt i konserten.
Arrangør Os Kulturutvikling og Os kyrkjelyd kan allereie gle seg over god inntekt.
– Klokka 19.48 var vi oppe i 46.000 kroner, klokka 21.50 passerte vi 70.000, fortel diakon Ingrid Vik.
Konserten varte frå klokka 19.30 til rundt 21.30.
Inkludert i summen er 10.000 kroner som kom frå Bjørnafjorden kommunestyre i går.
– Vippsnummeret blir ståande dedikert til Flyktninghjelpen ut året. Også tidlegare konsertar har gitt god inntekt fleire dagar etterpå.
Dette er årets andre solidaritetskonsert i Os, også den i mars gjekk til Flyktningshjelpen sitt arbeid for ukrainske flyktingar.
Då var det innsamlingsrekord med 130.000 kroner for initiativtakarane, som har hatt ulike solidaritetskonsertar i nesten 20 år.
I mars var krisa fersk, og det kom også inn fleire store beløp etter konserten.
NRK sendte delar av konserten direkte på Vestlandsrevyen.
Midtsiden kjem tilbake med bildeserie og video av alle innslaga.
