Artistane til neste solidaritetskonsert
– Vi har satsa ungt og lokalt, og fått ja frå alle.
Os Kulturutvikling og Os kyrkje arrangerer solidaritetskonsert igjen.
Også denne gong går inntektene til Flyktninghjelpen sitt arbeid i Ukraina.
– Krigen er ikkje over, det er mange flyktningar internt i Ukraina og vi fryktar også at dei kan gå ein tøff vinter i vente, seier ein av initiativtakarane, Øyvind Hægland.
Datoen er 15. desember. Det er ikkje billettsal til solidaritetskonsertane, inntektene kjem via Vipps før, under og etter konserten.
Konferansier er Karl Ole Midtbø. Arrangørane har invitert ei rekkje lokale musikarar og band, og fått plakaten klar.
Her er alle som skal spela:
– Vi har fått med fleire yngre musikarar, og begge sider av fjorden er representert, det er vi glade for, seier Hægland.
– Tetyana er sjølv frå Ukraina, eg gler meg ekstra tilå høyra ho, legg han til.
Hægland har, med ulike samarbeidspartar, lang fartstid som arrangør av solidaritetskonsertar.
I 2021 var det pandemi og ingen støttekonsert, førre var i mars i år.
Under ser du video og resultat frå fleire tidlegare solidaritetskonsertar.
