Bilførar var brisen - bileigar var passasjer
Begge er meldt etter kontroll søndag morgon.
Søndag i 09-tida hadde UP saman med lokal patrulje trafikkontroll nær Os sentrum.
– 95 køyretøy blei kontrollert. To personar fekk gebyr for manglande bruk av bilbelte, ein tredje er mistenkt for køyring med promille, fortel politioverbetjent Anne Lyssand.
Vedkomande, ein mann i 50-åra, skal heller ikkje ha hatt gyldig førarkort. Bileigar, ein mann i slutten av 20-åra, var passasjer. Han er meldt for å overlata bilen til ein som ikkje har lov til å køyra.
Ulovleg øving
UP hadde også trafikkontroll i Os fredag morgon.
– Einaste reaksjon var ein som var på øvelseskøyring.
– Ledsager oppfylte ikkje alle vilkår, og er meldt.
– Betyr det førarkortbeslag?
– Nei, det treng det ikkje å bety. Det står ikkje notert kva som var mangelfullt, og uvisst kva reaksjon vedkomande risikerer.
