Bil på taket på Fanafjellet

Politiet varsla klokka 20.36 om ei trafikkulykke på fv 5158 Fanafjellsveien.

Ein bil har køyrd utfor og landa på taket. Den kan ha vore i fjellveggen før den gjekk rundt.

Ulykka skal ha skjedd ved Rambergstunet, altså på Fana-sida av fjellet.

Det skal vera redusert framkommeligheit på staden.

Politiet fortel klokka 21 at det var to personar i bilen. Dei er no ute av bilen. Begge er bevisst og blir no sjekka av ambulansepersonell.

• Har du informasjon eller bilde? tips@midtsiden.no

Politiet har tatt beslag i førarkortet til bilførar, ein gut i tenåra.