Eldre mann køyrde feil veg i tunell

I 11.20-tida torsdag fekk politiet melding om ein bilist som køyrde i feil retning i Skogafjellstunnelen.

Tunelløpet blei stengt ein periode.

– Vedkomande, ein mann på 93 år, fekk rettleiing av ambulansepersonell, så han kom seg til Bergen, opplyser politioverbetjent Anne Lyssand.

Ifølgje vitne skal han ikkje ha vore inni sjølve tunellen, men stoppa ved ei havarilomme og prøvde å rygga tilbake.

Litt over midnatt natt til fredag fekk politiet klage på høg musikk i eit nabolag i Halhjem-området.

– Det blei ingen operative tiltak. Det kom heller ingen fleire klagar.