VM-uttaket er klart

Sverre Lunde Pedersen gjekk kontrollert og solid, gjekk ned rundetidene på slutten og enda på (6.29,31) og ein 8. plass som tredje beste norske på 5.000 meter i verdscupavsluttinga laurdag.

Vinnar Sander Eitrem var tatt ut på førehand, Sigurd Henriksen kapra som nest beste norske den andre av tre plassar i VM på distansen.

Sverre var tredje beste norske, men juryen ville dela ut den tredje plassen ut frå ei totalvurdering.

Les ògVM-klart publikum jubla for Sverre!

Hallgeir Engebråten ramla, reiste seg og gjennomførte på sisteplass. Fallet kom mens han såg ut til å tapa fart etter ei noko hard opning.

I dag kom uttaket.

Der er det klart at Engebråten fekk den siste plassen på 5000-meteren.

Sverre Lunde Pedersen blir med til Heerenveen som reserve - og som del av laget som skal gå lagtempo.

– Det var eit vanskeleg uttak. Slik vi ser det vil Engebråten ha større potensial på 5000 meter om to veker. Men det kan henda vi tar feil, seier medlem av uttakskomiteen, Petter Andersen, til BT.

I lagtempo har Lunde Pedersen uansett gjort det stabillt skarpt i ei årrekkje.

Han leia Norge til OL-gull både i 2018 og 2022, og til verdscupsiger for to veker sidan.

Norges Skøyteforbund sitt lag til VM Enkeltdistanser i Heerenveen 2. til 5. mars:

Kvinner:
500m: Martine Ripsrud
1000m: Martine Ripsrud
1500m: Ragne Wiklund
3000m: Ragne Wiklund og Sofie Karoline Haugen
5000m: Ragne Wiklund og Sofie Karoline Haugen
Fellesstart: Sofie Karoline Haugen

Menn:
500m: Håvard Lorentzen og Bjørn Magnussen
1000m: Håvard Lorentzen
1500m: Peder Kongshaug, Sander Eitrem og Allan Dahl Johansson
5000M: Sander Eitrem, Sigurd Henriksen og Hallgeir Engebråten
10000m: Sigurd Henriksen og Sander Eitrem
Fellesstart: Kristian Ulekleiv